اِنسحب المقاتل التّونسي، حمزة حمري، من البطولة المحترفة المقرّر إقامتها في إسبانيا حيث كانت أولى مبارياته ضدّ المقاتل البارزيلي كايك موديستو يوم 10 ديسمبر 2022. وذلك بسببب تجاهل وزارة الشّباب والرّياضية والمندوبية الجهوية للرّياضة بالقيروان مَطالبه بدعمه وتمويل نزالاته.
وأعلن حمري اِنسحابه من هذه المسابقة بهذه الكلمات المؤثّرة الّتي نشرها اليوم الأربعاء 9 أكتوبر 2022 على صفحته الرّسمية على فيسبوك: ” أنا ليوم تأزمت بلحق و قلبي وجعني و حسيتها بلحق تسكرت البيبان في تونس بنسبة ليا.
كان عندي شوي أمل أنو بش نلقى حظوظي هنا أما بلحق تونس ماعمرها ما قدمتلي حاجة.
الحكاية و ما فيها أنا قدمت دوسي للوزارة الشباب والرياضة عن طريق المندوبية الجهوية للشباب وللرياضة بالقيروان ليا مديدة بخصوص أنو يعطيوني دعم مادي لمشاركة في البطولة و دعم معنوي و يحاولو يتلفتو شوي و ياخذو بعين الإعتبار للقتالات الفردية لكن كيما العادة ما يعبرك حد و يخسرو عليك كان أرجع غدوة أحنا بعثنه و تو يجوبوك و بطبيعة نقعدو ندورو في متاهت أمشي وأرجع…. اليوم فهمت بلحق أنو تونس بلاد يموت فيها الإنسان الطموح و الإنسان الحالم.
في هذا السياق حبيت نعلن زادا إنسحابي من البطولة إلي كانت شتصير في إسبانيا و هذا السبب الكل نحملو للوزارة الشباب والرياضة و للمندوبية الجهوية للشباب والرياضة بالقيروان على خاطر هما الي قصولي الجناح الي كنت حاب نطير بيه و نرفع علم تونس معايا.
واليوم قررت حاجة كنت قبل ديما نحبش نعملها و لكن الشي هذا الي عشتو أنا ليوم خلاني نمحي فكرة أنو فما أمل من وزارة الشباب والرياضة و الي عشتو الفترة هذي خالتني نقول أنو الدوسي الي يتهزلهم يتحط في الزبلة ومنغير أن يخسرو عليك حتى كلمة تشجيع و ببالغ الأسف اليوم بنسبة ليا أنا مواطن بدون هوية تونسية و بدون علم تونس”.