أصدر النجم الرياضي الساحلي منذقليل البلاغ التالي:
“جماهير النجم الرياضي الساحلي
إنتوما الداعم لول للفريق
و بيكم انتوما لتوال أقوى
نهار السبت عنا ماتش مهم برشة في البطولة و لتوال حاجتها بيكم تكونو حاضرين بأعداد كبيرة في الملعب الاولمبي بسوسة.
نشجعو للتسعين
و الفيكتوار ناوين
نهار الماتش يلزم الناس الكل نردو بالنا خاطر لتوال مهددة بعقوبة الhuis clos إذا يترماو مقذوفات في الملعب، و جماهيرنا العزيزة تنجم لا قدر الله تتحرم من تشجيع لتوال في الماتش الي بعدو، هذاكة علاش يلزم نتجندو مع بعضنا باش الطرح يتعدا في ظروف باهية و نجنبو نجمتنا الغالية عقوبة باش تأثر علينا ماديا و معنويا.
احنا واثقين الي جمهورنا العزيز باش يكون قد المسؤولية نهار السبت كيما عادتو، و انشاء الله نحتفلو مع بعضنا بالفيكتوار في آخر الماتش.
