كشف الرئيس السابق للنادي البنزرتي عبدالسلام السعيداني من خلال تدوينة على موقع التواصل فايسبوك ، عن الأطراف التي قد تقف وراء محاولة ارتشاء حكم في الرابطة المحترفة الأولى ، واليكم تدوينة السعيداني :
“السعيداني ما يعطيكم كان الصحيح “
كيف تقول للناس اللي انا ندق كل واحد ظلمني خاطر مولود في ولي صالح إسموا سيدي عبدالسلام ليبيا يقوموا يضحكوا عليا اليوم جاني الخبر من عند محامي معروف و زاد أكدهالي صاحب الحصريات المظلوم وليد بن حاحة الفريق اللي يحكي عليه ناجي الجويني هو مستقبل المرسى و في تسجيلات مسؤول الجمعية المذكورة يقول للحكم ” ماتخافش معانا سيد الوزير مايحبش المرسى تطيح و تهنى أومورك مريقلة ” يعني بتعليمات من سي كمال دقيش ولد المرسى إن شاء الله يتم تطبيق القانون و ما يتمش إخفاء التسجيل المذكور و يغطيو الموضوع بحكاية الرقاب اللي فمة قضية زادة سارية في نفس السياق و كيما يقول رئيس الجمهورية المحترم سي قيس سعيد الناس الكل تحت طائلة القانون و لو إنوا كان عاطي ربي من حكاية الفشل في صفقة ملعب المنزه راهو تعزل هذا الفاشل مانستناوش حتى تخلى في إنتظار و المتابعة السلام بالعافية .
الحمد و الشكر ليك يا ربي ديمة تاخذلي حقي في الدنيا قبل الٱخرة”